村屋按揭懶人包

越黎越多年輕一輩鍾情於新界區嘅村屋，貪佢地方大得黎又夠平，空氣又清新，租車位又平。但係都要留意返村屋有好多伏位，分分鐘會令你做唔到按揭，以下就係幾點需要留意返。

 

路權

如果包圍住該物業嘅都係可使用路權，就唔駛太擔心呢個位置，但究竟咩係可使用路權？如果相關路段嘅路權屬於政府，公家路段當然人人可以使用，想分辨可以睇路上嘅街燈有冇街燈編號，如果可以係地政總署嘅「地理資訊地圖」網頁上查到嘅話，該路段就係屬於公家，另外都可以睇下有冇公共交通，如果有嘅話都唔駛太擔心。

 

但如果望唔到有街燈，又冇公共交通，咁就要小心啲，最好搵到樓契內嘅「路權契」。路權契上有平面圖，標示咗鄰近土地在發展時劃出嘅公用土地，互相之間可以使用。但係呢份文件，未必一定會係土地註冊紀錄上，如果業主冇留底加上你又搵唔到，呢個情況就要小心喇。

 

按揭成數

要知道村屋同普通私樓既按揭成數唔同，經過 2019 年按揭保險新例放寬後，村屋按揭成數上限已經大大提升。

800萬以下：85%

800-900萬：85%（貸款上限為 720 萬元）

900 – 1,000萬：80%

1000萬以上：50％

 

僭建問題

不少村屋都會有僭建，買之前最好睇清楚天台、花園或者露台中改建或僭建，如果有發現違契機會，都最好簽臨約前就問定測量行意見，如果買左有僭建嘅樓，做按揭時銀行驗樓時見到，有機會唔批核比你，不過都有銀行有機會唔驗樓，詳情可以聯我地嘅按揭專員了解。

 

估價

買之前最好自己做定個估價，唔好完全信晒業主同地產個估價，有時唔同時間做估價都會有出入，而且唔少銀行對村屋的估價所需時間都較長，甚至出現估價不足情況，到時要抬錢就麻煩了。

 

村屋樓花

好多時都有新婚夫婦想買入新淨啲嘅村屋，去搵啲岩岩起好既一手村屋。但要留意村屋樓花即係未批到滿意紙之前，所有村屋樓花都唔接受按揭保險申請，即係最多只可以借60%按揭；另外，祖堂地村屋、新屋地村屋（丁屋）同埋有轉讓限制嘅村屋都不符合按保資格。

 

買村屋都有幾多位置要留意，如果仲係有所擔心的話，歡迎WhatsApp或致電6217 6711到我哋嘅按揭專員查詢，會比到你更專業嘅建議同方案。